សម្លឹងមើលមេឃខៀវស្រងាត់ ពពករសាត់សក្បុសឆ្ងាយ
កុកហើរទាំងហ្វូងទៅគ្មានស្ដាយ ចោលកុកឯនាយហើរឯកា។
ស្រូវទុំច្រូតអស់សល់តែស្រែ ជញ្ជ្រាំងហូរហែនៅត្រៀបត្រា
ក្មេងរត់ឮប្រោកប្រាវសង្ហារ នៅលើវេហាស៍ខ្លែងហោះជាក់។
សំណើចសប្បាយលាន់ចេចចាច ខ្លះរត់ប្រសាចរើសខ្លែងធ្លាក់
ខ្លះសម្លឹងមេឃដោយជឿជាក់ ខ្លែងហោះឥតទាក់ត្បិតវាយោ។
ខ្យល់បក់សូរវូដូចសំណើច ក្មេងរត់ហើយសើចសប្បាយហោរ
ខ្លះសប្បាយពេកភ្លេចមើលគោ រសៀលទន់ទោរគោទៅមុន។
សូរយាទន់ទាបបន្ទាបកាយ ចិត្តនៅសោកស្តាយចង់គយគន់
ផ្ទៃមេឃមានខ្លែងស្រស់ពេកពន់ បន់ឲ្យយប់យន់រំលងឆាប់។
សង្ឃឹមថ្ងៃស្អែកបានជួបទៀត ជួបមិត្តដែលឃ្លាតទីស្គាល់ស្រាប់
ចំណាំចចារវោហាស័ព្ទ សរសើរបង្អាប់ចាប់ចិត្តក្រៃ។
21/02/2014
ស៊ីហ្សែត
seezet 